Presidenti ukrainas Volodymyr Zelenskyy ka lavdëruar Boris Johnson dhe Britaninë e Madhe për reagimin e tyre ndaj pushtimit rus.
Në një intervistë me revistën Economist, ai tha: “Britania është padyshim në anën tonë… Nuk po kryen një akt balancues”.
“Për të qenë i sinqertë, Johnson është një udhëheqës që po ndihmon më shumë. Udhëheqësit e vendeve reagojnë sipas mënyrës se si veprojnë zgjedhësit e tyre. Në këtë rast, Johnson është një shembull”, ka thënë ai.
Zelenskyy dhe Johnson kanë qenë në kontakt të rregullt përmes telefonit.
“Britania dëshiron që Ukraina të fitojë dhe Rusia të humbasë, por unë nuk jam gati të them nëse Britania dëshiron që lufta të zvarritet apo jo”, shtoi ai.
