Një zyrtar indian u pezullua nga detyra pasi urdhëroi tharjen e një rezervuari pasi i kishte rënë telefoni.
Punëtorëve iu desh më shumë se 3 ditë për të hequr miliona litra ujë nga diga, sepse zyrtarit Rajesh Vishwas i ra telefoni teksa po bënte një selfie. Kur ai e gjeti pajisjen ajo nuk punonte më pasi kishte qëndruar shumë kohë nën ujë.
Rajesh Vishwas u justifikua se kishte të dhëna tepër sensitive në telefon, por kjo nuk e shpëtoi atë nga akuza e shpërdorimit detyre.
Ngjarja u regjistrua në rezervuarin e Kherkattas, që është vendosur në shtetin indian të Chhattisgarh.
Sipas mediave, zhytësit nuk arritën ta gjenin telefonin dhe për këtë arsye u morën dy pompa me naftë për të tërhequr uji.
Zyrtari shprehet se urdhëroi që uji të derdhej në një kanal pranë me synimin që të ndihmonte fermerët të kishin më shumë ujë.
Gjithçka u ndërpre kur një zyrtar tjetër nga departamenti i burimeve ujore mori denoncime për masakrën që po kryhej, në një kohë kur vendi shënon problem me thatësirën.
