1 mijë robotë si kafshë shtëpiake për të moshuarit në SHBA

Në Uashington është prezantuar një iniciativë interesante për të luftuar izolimin social të të moshuarve, duke u ofruar atyre “Robopets”, ose robotë që luajnë rolin e një kafshe shtëpiake.

Rreth 1,000 nga këto “Joy for All Companion Pets” janë shpërndarë falas, me një investim prej 150,000 dollarësh, për të ofruar shoqëri dhe ngushëllim për të moshuarit që jetojnë të vetmuar. Këto robokafshë janë të programuar për të imituar sjellje të kafshëve të vërteta, si qeni apo mace.

Për më tepër, këto kafshë robotike nuk kërkojnë asnjë kujdes apo ndihmë shëndetësore, çka i bën ato një alternativë të shkëlqyer për ata që nuk mund të përballojnë shpenzimet për kafshët shtëpiake tradicionale.

Iniciativa ka për qëllim të reduktojë nivelin e izolimit që ka përfshirë shumë të moshuar në Uashington, ku shumë prej tyre jetojnë të vetmuar. Ekspertët e shëndetit kanë theksuar se kjo mund të ketë një ndikim pozitiv në mirëqenien e të moshuarve, duke u ofruar atyre një shoqëri që mund të parandalojë depresionin dhe ndihmon në ruajtjen e shëndetit të tyre mendor dhe fizik.