Një 22 vjeçar nga Tirana është autori i një aksidenti me vdekje të ndodhur dy ditë më parë në rrugën dytësore “Plepa-Kavajë” ku humbi jetën një 63 vjeçar.
Aksidenti u shënua rreth orës 01:00, të datës 21.08.2024. ku u përplas me automjet 63 vjeç, i cili si pasojë humbi jetën, në vendngjarje.
Dy ditë më pas policia rrugore thotë se identifikoi dhe shpalli në kërkim drejtuesin e automjetit që shkaktoi aksidentin. Ai është Erjon Kacani, 22 vjeç, banues në Tiranë.
22-vjeçari, menjëherë pas aksidentit, u largua nga vendngjarja dhe braktisi automjetin në fshatin Kodër Arapaj. Automjeti u gjet dhe u sekuestrua nga shërbimet e Policisë, në cilësinë e provës materiale.
Mësohet se viktima është avokati Leonard Dingo.
Gjatë një reagimi publik, kolegët e tij avokatët ngrenë hije dyshime se vdekja e Leonard Dingos ka ardhur si pasojë e një krimi të mirëfilltë për shkak të detyrës dhe jo siç ka raportuar policia, si “aksident të zakonshëm”.
“Ka më shumë se 48 orë që në zonën e Golemit, Durrës ka ndodhur një aksident me tipare të një krimi, që ende nuk është zbardhur.
Avokati i mirënjohur Leonard Dingo ka ndërruar jetë si rrezultat i një aksidenti që ka ndodhur pranë shtëpisë së tij në një rrugë dytësore rreth orës 12:00 të datës 20 Gusht.
Duke ditur çështjet sensitive që mbronte avokat Dingo dyshimet e arsyeshme të drejtojnë përtej një aksidenti të zakonshëm.
Sipas burimeve konfidenciale deri tani është gjetur makina që ka bërë aksidentin e braktisur në zonën e Shëna Vlashit, është identifikuar targa dhe rrjedhimisht edhe pronar i makinës, por ajo që do t’i jepte rrugë zbardhjes së aksidentit ende është enigmë. Është kryer një krim dhe asnjë i dyshuar apo i ndaluar!”, kanë reaguar avokatët.
