Deputeti i Lidhjes Demokratike të Kosovës (LDK), Lumir Abdixhiku, njëherësh edhe kryetar i këtij subjekti politik, po diskuton për heqjen e akcizës në seancën e Kuvendit të Kosovës, që është ftuar për debat lidhur me rritjen e çmimeve.
Abdixhiku në seancë ka kategorizuar katër lloje të njerëzve, ku tek ata që “s’dijnë që s’dijnë” janë përfshirë ministri Hekuran Murati, si dhe deputetët e VV-së, Mimoza Kusari e Armend Muja.
Në grupin e parë ka thënë se bëjnë pjesë njerëzit që “e dijnë që dijnë” dhe këtu ka përmendur Kryeparlamentarin Glauk Konjufca, për të cilin ka thënë se ka respekt.
“Në politikë janë katër lloje njerëzve: Njerëzit që dijnë që dijnë, Konjufcën e konsideroj të këtillë. Grupi i dytë janë i atyre që s’dijnë që dijnë. Grupi i tretë i atyre që dijnë dhe s’dijnë. Të dëmshëm janë grupi i katërt; janë ata që s’dijnë që s’dijnë. Nuk janë të vetëdijshëm që nuk dijnë. P.sh ministri i Financave, shefja e Grupit Parlamentar, e kryetari për Komision për Financa”, ka deklaruar ai.
“Nafta është lëndë e parë dhe kur shtrenjtohet nafta nuk shtrejntohet vetëm një çmim, por qindra produkte të tjera. Prandaj po kërkojmë të tërhiqet akcizës, që të ulen çmimet në produktet bazë”, ka thënë ndër të tjera Abdixhiku.
