Dy oficerë policie në Edmonton humbën jetën gjatë detyrës pasi u qëlluan me armë zjarri teksa iu përgjigjën një telefonate për dhunë në familje.
Sipas mediave kanadeze, autori i krimit ishte një 16 vjeçar, i cili më pas u vetëvra kur u rrethua nga efektivët e tjerë të policisë, ndërkohë që një grua po trajtohet në spital me plagë të rënda.
Dy efektivët që humbën jetën ishin 30 dhe 35 vjeç dhe kishin vetëm pak vite që shërbenin në forcat e rendit.
Në një deklaratë për shtyp, shefi i policisë sqaroi rrethana rreth ngjarjes, duke treguar se ajo ndodhi pak pas mesnate, pas një telefonate për dhunë në familje. Oficerët u qëlluan pa paralajmërim ndërsa po i afroheshin adresës së raportuar.
Kryeministri Trudeau reagoi pas kësaj ngjarje të rëndë duke thënë policët janë heronjtë e vërtetë që venë në rrezik jetën e tyre për komunitetin.
“Çdo ditë, oficerët e policisë e vënë veten në rrezik për t’i mbajtur njerëzit të sigurt. Lajmi se dy oficerë policie të Edmontonit janë vrarë në krye të detyrës na kujton këtë realitet. Unë u dërgoj ngushëllimet e mia të dashurve dhe kolegëve të oficerëve, ne jemi këtu për ju”, shkruan Trudeau.
Një sistem mbrojtës ajror u aktivizua pranë Ambasadës Amerikane në Bagdad të shtunën në mbrëmje,…
Mal Berisha, ish-ambasador e diplomat, ka treguar një rrëfim interesant nga takimet e tij në…
Fushata zgjedhore në qytetin e Cyrihut po tregon anën e saj të shëmtuar pak para…
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…