Trupat amerikane po marrin kontrollin e aeroportit ndërkombëtar të Kabulit, ndërsa banorët e dëshpëruar po përpiqen të largohen nga qyteti, pasi talebanët pushtuan Afganistanin, shkruan BBC.
Ushtria amerikane ka siguruar vendin dhe po merr kontrollin e trafikut ajror për të evakuuar stafin amerikan dhe aleatët.
Edhe vendet e tjera po evakuojnë stafin, përfshirë Mbretërinë e Bashkuar, e cila ka dërguar trupa për këtë operacion.
Por fluturimet komerciale janë pezulluar kryesisht, duke bllokuar qindra afganë dhe shtetas të tjerë të huaj.
Video shows US forces' presence at Kabul airport as crowds of Afghans gather in attempt to leave country. #Afghanistan pic.twitter.com/T4CD092A0u
— TOLOnews (@TOLOnews) August 16, 2021
Talibanët shpallën fitoren pasi qeveria u rrëzua të dielën. Presidenti Ashraf Ghani ka ikur jashtë vendit.
Kthimi i militantëve në pushtet i jep fund thuajse 20 viteve të pranisë së koalicionit të udhëhequr nga SHBA në vend, përcjell Bota sot.
Kabuli ishte qyteti i fundit i madh në Afganistan që u përball me një ofensivë talebane që filloi muaj më parë, por u përshpejtua në ditët e fundit, kur ata fituan kontrollin e territoreve, duke tronditur shumë vëzhgues.
Grupi islamik ishte në gjendje të merrte kontrollin pasi shumica e trupave të huaj u tërhoqën.
Në fundjavë, Presidenti amerikan Joe Biden mbrojti tërheqjen e trupave amerikane, duke thënë se ai nuk mund të justifikojë një “prani të pafundme amerikane në mes të konfliktit civil të një vendi tjetër”.
