Afganistan: Shpërthim brenda xhamisë së Heratit, vritet kleriku fetar i talibanëve

Një klerik pro-Taleban është në mesin e 18 personave të vrarë në një shpërthim jashtë një xhamie në qytetin afgan të Heratit, raportoi të premten AP.

Mujib Rahman Ansari vdiq së bashku me vëllain e tij, anëtarët e tij të sigurisë dhe civilët e mbledhur për lutje në një shpërthim që dyshohet se ishte vetëvrasës.

Nuk është ende e qartë se kush qëndron pas sulmit, të cilin talebanët e denoncuan si “të ligë” dhe “frikacak”. Ky rasti më i fundit i një serie vrasjesh me bomba ku janë përfshirë figura të larta fetare në Afganistan.

Sipas policisë, Ansari po mbërrinte në xhaminë Gazargah për të kryer lutjet e drekës të së Premtes kur një person me bomba në vete i puthi dorën klerikut dhe shpërtheu mjetin shpërthyes.

Zyrtarët lokalë thonë se të paktën 23 persona u plagosën në sulm, por raportet lokale sugjerojnë se shifra totale e viktimave mund të jetë dukshëm më e lartë.

Kleriku ishte i njohur në Afganistan për mbështetjen e tij ndaj sundimit të talebanëve.