Pas aksidentit tragjik me dy viktima në aksin Peqin Elbasan janë krijuar radhë kilometrike të automjeteve. A2 CNN raporton se radhët e gjata janë krijuar në të dyja kahet e rrugës dhe sidomos në fshatin Bishqem, ku ndodhi aksidenti. Prej minutash të tëra mjetet nuk lëvizin fare.
Mëngjesin e sotëm dy automjete u përfshinë në aksidentin vdekjeprurës; një makinë tip Benz me targë AB507AV dhe një furgon pasagjerësh me targë AA368NH, i drejtuar nga shtetasi Anesti Bufi.
Për pasojë humbën jetën drejtuesi i benzit dhe pasagjerja në automjet. Gjithashtu, janë dëmtuar drejtuesi i furgonit, shtetasi A. B., dhe 4 pasagjerë që udhëtonin me furgon, të cilët janë transportuar në spital për ndihmë mjekësore dhe janë jashtë rrezikut për jetën.
