Prokuroria Speciale ka ngritur aktakuzë ndaj K.D., nën dyshimet se ka marrë pjesë në veprimtari të organizatës terroriste.
Sipas njoftimit, i pandehuri akuzohet se me bashkëshorten i ishte bashkangjitur luftërave në Siri, duke marrë pjesë si trajner i snajperistëve.
“Më pas i pandehuri K.D., është arrestuar dhe është burgosur nga Forcat Demokratike Siriane, kurse më datë 17 korrik 2021, në mënyrë të organizuar është transferuar në Kosovë. Me këto veprime i pandehuri ka kryer veprën penale ‘Organizimi dhe pjesëmarrja në grup terrorist’ nga neni 143 paragrafi 2 i Kodit Penal të Republikës së Kosovës”, thuhet në njoftimin e Prokurorisë.
