Me marrjen e qeverisë, Kryeministri i ardhshëm i Kosovës Albin Kurti do të ndryshojë taksën 100 % me reciprocitet të plotë politik, ekonomik dhe tregtar me Serbinë.
Në një prononcim për gazetarët në samitin për paqen në Europën Juglindore që po mbahet në Tiranë, Albin Kurti parashikoi fillimin e dialogut me Serbinë para zgjedhjeve në Serbi në pranverën e vitit të ardhshëm.
Kurti nënvizoi se dialogu me Serbinë nis nga dialogu me Brukselin dhe hapi i parë është takimi me pasardhësin e Mogherinit, ministri aktual të Punëve të Jashtme të Spanjës, Josep Borrell Fontes.
Kur do nisin bisedimet me Serbinë?
Albin Kurti: Periudha konkrete për fillmin e bisedimeve nuk mund të caktohet tash pasi kemi nevojë për një dialog me Brukselin për dialog me Beogradin. Duhet ta përgatitemi mirë për dialogun. Pres të takohem me pasardhësin e Mogherinit, Borell në mënyrë që të përcaktojmë parimet se si të ecim përpara dhe dialogu i ardhshëm të mos dështojë.
Për marrëveshjen me Serbinë duhet të ndryshojë shumë më tepër Serbia sesa Kosova. Nuk është kruyeministri për shkëmbim territorial. Ne angazhohemi për marrëdhënie të mira fqinjësore me Serbinë, dhe dialogun e ardhshmë me Serbinë do e udhëheq unë si kryeministër i Kosovës.
Së pari kemi dialogun me Brukselin për dialogun me Serbinë. unë mund të parashikoj që ky dialog do të nisë para zgjedhjeve në Serbi në pranverën e vitit të ardhshëm, por nuk mund të prisni marrëveshje para zgjedhjeve në Serbi. Ne vendosim substancën, përmbajtjen e marrëveshjes për të cilën duhet të ndryshojë Serbia si shumë prioritare. Tarifa 100% me qeverinë e re zëvendësohet me reciprocitetin e plotë politik ekonomik dhe tregtar me Serbinë.”
Koalicioni qeverisës? Sa ka përafrim me LDK?
Albin Kurti: Ne kemi ekipet tona punuese që për fusha të caktuara po harmonizojnë programet. Edhe ekipet tona po bisedojnë për ndarjen e përgjegjësive dhe ministrave.
Ju uroj zoti Rama për fitoren?
Albin Kurti: Në zgjedhjet në Kosovë Vetëvendosja ka dalë e para. Në bazë të një vendimi të Gjykatës Kushtetuese të vitit 2014 presim që presidenti i Kosovës psa certifikimit të rezultateve të më japë mandatin mua, që në fund të bëjë dhe ai një punë të hajrit dhe unë të formoj koalicionin e ri qeverisës për 15 ditë.
