Albulena Haxhiu zgjidhet kryetare, konstituohet Kuvendi

Kryeparlamentarja e re e Kosovës, Albulena Haxhiu, ka thënë se besimin për ta marrë këtë post do ta kthejë me punë të përditshme, transparencë e përkushtim të plotë.

Ajo në fjalimin pas marrjes së postit ka thënë se do të përpiqet që secili deputet ta gjejë hapësirën e vet me të njëjtin dinjitet e respekt.

“Sot e marr këtë detyrë më vetëdije të plotë me peshën kushtetuese që e mban. Këtë besim do ta nderoj me punë të përditshme, transparencë dhe përkushtim të plotë. Detyra ime do jetë që Kuvendi të funksionoj me dinjitet, transparencë dhe respekt të ndërsjellë, në përputhje me Kushtetutën, ligjet dhe praktikat parlamentare. Do përpiqem që secili prej jush ta gjej hapësirën e vet këtu me të njëjtin dinjitet dhe respekt, ngase një Kuvend funksional është parakusht për shtet të fortë dhe demokraci të qëndrueshme”, ka thënë ajo.

Haxhiu u zotua se detyrën e kryetares “do ta ushtroj me paanshmëri, integritet dhe përkushtim të plotë institucional”.