Presidenti i Azerbajxhanit Ilham Aliyev tha të dielën se avioni që u rrëzua javën e kaluar dhe shkaktoi vdekjen e 38 personave, ishte dëmtuar nga të shtënat aksidentale nga Rusia, duke shtuar se disa zyrtarë në Moskë kishin gënjyer mbi arsyet e rrëzimit të tij.
Presidenti rus Vladimir Putin të shtunën i kërkoi falje zotit Aliyev për “incidentin tragjik” të së mërkurës në hapësirën ajrore ruse, gjatë të cilit avioni i kompanisë ajrore të Azerbajxhanit u godit nga mbrojtja ajrore ruse, e cila ishte aktivizuar për t’u mbrojtur nga dronët ukrainas.
Një deklaratë e Kremlinit nuk thoshte se Rusia e kishte rrëzuar avionin, por se thjeshtë kishte hapur një hetim penal të kësaj çështje penale.
“Aeroplani ynë u rrëzua aksidentalisht”, tha zoti Aliyev në televizionin shtetëror të dielën, duke shtuar se pajisjet elektronike të avionit ishin bllokuar dhe më pas ai ishte qëlluar ndërsa po i afrohej qytetit të Groznit.
Pilotët, të cilët vdiqën në incidentin e rrëzimit të avionit, janë lavdëruar në Azerbajxhan për veprimet e tyre që shpëtuan jetën 29 personave.
“Fatkeqësisht, në tre ditët e para ne dëgjuam vetëm versione absurde nga Rusia”, tha presidenti azerbajxhanas Aliyev, duke përmendur deklaratat e Rusisë se përplasja ishte rezultat i goditjes së avionit nga një tufë e zogjve.
“Ne ishim dëshmitarë të përpjekjeve të qarta për të fshehur arsyet e rrëzimit të avionit”, tha udhëheqësi azerbajxhanas, i cili ka lidhje të ngushta me Rusinë dhe është arsimuar në një nga universitetet më të mira të Moskës.
Zoti Aliyev tha se donte që Rusia të pranonte se ishte fajtore për rrëzimin e aeroplanit dhe të ndëshkonte përgjegjësit e incidentit.
Putin dhe Aliyev zhvilluan një tjetër telefonatë të dielën, tha Kremlini. Zyrtarët në Moskë nuk dhanë hollësi të tjera, por të shtunën thanë se specialistë civilë dhe ushtarakë po merren në pyetje për atë që kishte ndodhur.
Aeroplani u rrëzua të mërkurën pranë qytetit Aktau në Kazakistan pasi u devijua nga Rusia jugore, ku dronët ukrainas po sulmonin disa qytete në atë kohë, sipas Kremlinit.
Katër burime, që kanë njohuri mbi gjetjet paraprake të hetimit të Azerbajxhanit për incidentin, thanë për agjencinë e lajmeve Reuters të enjten se mbrojtja ajrore ruse e kishte rrëzuar gabimisht avionin, duke shkaktuar vrasjen e 38 njerëzve dhe plagosjen e 29 të tjerëve. /VOA
Share Now
Promoted Content
Is This The Largest Snake In The World?
Brainberries
¿Recuerdas a las gemelas más guapas? ¡Esto es lo que les pasó!
OneDaily
¡Truco contra las manchas!
Sabias esto
Las 15 deportistas más guapas, la número 10 te sorprenderá
One Daily
You Won’t Believe How DNA Testing Can Transform Your Life
Herbeauty
Hollywood’s Most Unforgettable Breakup Scenes
Herbeauty
Të tjera nga rubrika
Memeti: Ekonomia mund ta shpëtoj Luginën e Preshevës nga zbrazja
Moti nesër dhe ditëve në vazhdim
Ali Ahmeti flet për herë të parë se ku ndodhet Artan Grubi
Hasani: Kurti po e poshtëron e po i shet kapadallëk Prokurorisë, duke refuzuar të dëshmojë
Aliyev: Avioni i rrëzuar në Kazakistan u godit nga forcat ruse të mbrojtjes ajrore
“Më shumë tatime për shkak të besimit në Qeveri”, Bajrami i reagon Kurtit: Propagandë
Te fundit
Zbardhet djegia e qëllimshme e dy automjeteve në Durrës, në pranga autorët
Memeti: Ekonomia mund ta shpëtoj Luginën e Preshevës nga zbrazja
Moti nesër dhe ditëve në vazhdim
Pesë lojtarëve të Chelsea u “tregohet dera” për largim
Ali Ahmeti flet për herë të parë se ku ndodhet Artan Grubi
Hasani: Kurti po e poshtëron e po i shet kapadallëk Prokurorisë, duke refuzuar të dëshmojë
Ky portal mirëmbahet nga Gazeta Express sh.p.k.. Materialet dhe informacionet në këtë portal nuk mund të kopjohen, të shtypen ose të përdoren në çfarëdo forme tjetër për qëllime përfitimi.
Lajme
Shqipëri
English
Maqedoni
Op/Ed
Sport
Roze
Shneta
Shkurt e Shqip
Muzike
TV/Film
Yjet
Impresum
All rights are reserved
Gazeta Express 2024
✕
