Amabasadori i Francës në Australi, Jean-Pierre Thebault, tha të mërkurën se Australia ka vepruar në mënyrë mashtruese, kur papritmas e anuloi marrëveshjen miliardëshe me Parisin për ndërtimin e nëndetëseve.
“Mashtrimi ishte i qëllimshëm. Dhe për shkak se në pyetje ishte shumë më shumë sesa ofrimi i nëndetëseve, sepse ishte një marrëveshje e përbashkët për sovranitet, e arritur me transferimin e datave shumë të klasifikuara, mënyra se si u trajtua ishte therje në shpinë”, tha ambasadori francez.
“Këto nuk janë gjëra që bëhen mes partnerëve, aq më pak mes miqve”, tha Thebault, i cili shtoi se qeveria franceze nuk ka mosmarrëveshje me popullin australian.
Në shtator, Australia e anuloi marrëveshjen me kompaninë “Naval Group” nga Franca, duke vendosur që të prodhojë së paku 12 nëndetëse me energji bërthamore në bashkëpunim me Shtetet e Bashkuara dhe Britaninë e Madhe, shkruan Reuters.
Të dielën, presidenti francez hodhi akuza të rënda ndaj kryeministrit australian, Scott Morrison, duke thënë se ai e ka gënjyer rreth qëllimeve të Australisë.
Morrison e ka mohuar akuzën. Ai më parë ka thënë se ia ka sqaruar Macronit se nëndetëset konvencionale nuk i plotësojnë më nevojat e Australisë.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…