Amerikanët u dërguan një paralajmërim serioz rusëve; Putin sulmoi Perëndimin: Bota ka dy zgjedhje

Shtetet e Bashkuara paralajmëruan Moskën pas një kërcënimi për të sulmuar satelitët perëndimorë se do të pasonte një përgjigje “e ashpër”.

Zyrtari i lartë i Ministrisë së Jashtme ruse, Konstantin Vorontsov , tha më herët të enjten se satelitët komercialë të Shteteve të Bashkuara dhe aleatëve të saj mund të bëhen objektiva legjitime për Rusinë nëse përfshihen në luftën në Ukrainë, raportoi TASS.

“Unë thjesht do të thoja se çdo sulm ndaj infrastrukturës amerikane do të merrte një përgjigje dhe kjo përgjigje do të ishte në përpjesëtim me kërcënimin ndaj infrastrukturës sonë”, tha të enjten John Kirby nga Këshilli i Sigurisë Kombëtare të SHBA-së.

Është Rusia ajo që provokon dhe krijon situata të rrezikshme me agresionin e saj në rajon, tha Kirby.

“Ne do të vazhdojmë të mbështesim Ukrainën. Ne ishim shumë të hapur dhe të sinqertë për këtë. Asgjë nuk do të ndryshojë në qasjen tonë”, shtoi ai.

Disa vende perëndimore i ofrojnë Kievit informacione për mbrojtjen nëpërmjet satelitit. Rrjeti rus i satelitëve është më i vogël, kështu që Ukraina ka një avantazh në këtë fushë.

Por Rusia ka aftësinë të synojë satelitët në hapësirë. Nëntorin e kaluar, Rusia rrëzoi satelitin e saj në pension me një armë lazer, duke tërhequr kritika nga komuniteti ndërkombëtar.

Uashingtoni e quajti lëvizjen “të pamatur” të armëve.