Anonymous i rrëzon mbi 40 uebfaqe serbe në 72 orët e fundit

Grupi i hakerëve Anonymous, në bashkëpunim me grupe të tjera të hakerëve, kanë nisur sulme kibernetike ndaj uebfaqeve të institucioneve të Serbisë.

Sipas një njoftimi në Twitter, sulmet janë duke u bërë në ‘shkallë të plotë’ si pjesë e fushatës “Operacioni Serbia”.

Sipas postimit të fundit nga Anonymous, më shumë se 40 uebfaqe serbe janë rrëzuar nga interneti në 72 orët e fundit.

“LAJMI I FUNDIT: Kolektivi Anonymous dhe grupet e tjera të hakerëve kanë nisur sulme kibernetike ‘në shkallë të plotë’ në faqet e internetit të qeverisë serbe, si pjesë e fushatës ‘OpSerbia’ (Operacioni Serbi). Më shumë se 40 uebfaqe serbe janë rrëzuar në 72 orët e fundit”, thuhet në njoftimin e Anonymous, përcjell Klankosova.tv.

Kujtojmë se Anonymous rreth dy javë më parë, ka paralajmëruar presidentin e Serbisë, Aleksandar Vuçiq, në lidhje me zhvillimet në veri.

“Ne nuk do të qëndrojmë indiferentë përballë këtij terrori. Reagimi ynë kolektiv do të jetë i prerë dhe i shpejtë. Nëse nuk i ndaloni veprimet e rrezikshme në Kosovë, populli i Kosovës nuk është pa mbështetje”, thuhej në reagim.