Shtetet e Bashkuara dhe Izraeli kanë kontaktuar zyrtarë në tre vende të Afrikës Lindore për të diskutuar mundësinë e përdorimit të territoreve të tyre për të zhvendosur palestinezët nga Gaza.
Kështu raporton Associated Press, duke cituar zyrtarë amerikanë dhe izraelitë.
Zyrtarët nga Sudani, Somalia dhe rajoni i shkëputur i Somaliland kanë qenë në kontakt në lidhje me propozimin, raportoi AP, duke cituar zyrtarë amerikanë dhe izraelitë si burime.
Megjithatë, zyrtarët sudanezë thanë se e refuzuan propozimin e SHBA-ve dhe zyrtarët somalez thanë se nuk ishin në dijeni të ndonjë kontakti.
Shtëpia e Bardhë dhe Departamenti i Shtetit nuk iu përgjigjën menjëherë kërkesave të Reuters për koment. Ministrat e informacionit të Somalisë dhe rajonit separatist të Somaliland nuk iu përgjigjën thirrjeve telefonike të Reuters për koment.
Në fillim të këtij muaji, liderët arabë miratuan një plan egjiptian prej 53 miliardë dollarësh për të rindërtuar Gazën, i cili nuk parashikon zhvendosjen e palestinezëve nga enklava, në kontrast me vizionin e presidentit amerikan Donald Trump për një “rivierë të Lindjes së Mesme”.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…