Një atentat i tipit mafioz me breshëri të gjata automatiku ndodhi gjatë orëve të paradites së sotme në lagjen “Chaidari” në Athinë.
Objektivi i atentatit u dërgua me shpejtësi në spital, por nuk i mbijetoi plagëve të marra, ndërsa makina iu bë shosh me plumba.
Policia konfirmoi se bëhet fjalë për një biznesmen të njohur grek, Dimitris Malamas, i cili shpërndan kafe në Atika, ndërsa është i përfshirë edhe në tregun e lojërave të fatit, përcjell Albeu.com.
Sipas mediave greke, Malamas njihet për kontaktet e tij të forta me “nëntokën” greke.
Policia është duke hetuar për shkaqet e ngjarjes, por nuk ka ende një pistë hetimi pasi autorët nuk lanë asnjë shenjë në vendin e ngjarjes.
