Më shumë se 12.7 milionë dollarë mungojnë nga llogaria e atletit Usain Bolt.
Avokati i Bolt, Linton P Gordon, fajëson kompaninë Stocks & Securities Limited, të cilët janë përfshirë në një skandal mashtrimin në fillim të këtij muaji, çka ka bërë që disa klientëve të saj t’iu mungojnë miliona dollarë.
Gordon tha se llogaria e kampionit olimpik dikur kishte 12.8 milionë dollarë, por tani pasqyron një bilanc prej vetëm 12,000 dollarësh.
“Nëse kjo është e saktë dhe ne shpresojmë se nuk është, atëherë një akt i rëndë vjedhjeje mashtrimi ose një kombinim i të dyjave është kryer kundër klientit tonë”, thonë avokatët e Bolt në letër. Ata kërcënojnë me veprime civile dhe penale nëse paratë nuk kthehen brenda 10 ditëve.
Stocks & Securities Limited nuk iu përgjigj menjëherë një kërkese për koment. Në faqen e saj të internetit, kompania kërkoi që klientët t’i drejtojnë të gjitha pyetjet tek Komisioni i Shërbimeve Financiare të Xhamajkës, i cili po heton firmën.
Ministri i Financave i Xhamajkës, Nigel Clarke, e quajti situatën alarmante, por vuri në dukje se ishte e pazakontë.
Javën e kaluar u raportua se një punonjës i SSL është implikuar në mashtrime të përhapura në kompani dhe mund të jetë përfshirë në zhvillimet rreth Bolt.
Bolt konsiderohet si një nga atletët më të mëdhenj të pistës së të gjitha kohërave dhe mban rekorde botërore në stafetën 100m, 200m dhe 4x100m. 36-vjeçari doli në pension në vitin 2017 dhe ka një sërë marrëveshjesh sponsorizuese fitimprurëse. Vetëm në vitin 2016 ai fitoi 33 milionë dollarë nga sponsorizimi, paratë e çmimeve dhe tarifat e paraqitjeve, duke e bërë atë lehtësisht atletin me fitimet më të larta në botë.
