Mbikëqyrësit kibernetikë çekë lëshuan një paralajmërim për përdorimin e rrjetit social TikTok, duke iu bashkuar autoriteteve të tjera perëndimore në cilësimin e këtij aplikacioni në pronësi kineze si një kërcënim sigurie.
Shumë vende kanë shprehur shqetësimin se TikTok mund t’u sigurojë autoriteteve kineze qasje në të dhënat personale të përdoruesve.
“Agjencia është e shqetësuar për një kërcënim të mundshëm të sigurisë që vjen nga përdorimi i TikTok-ut, kryesisht për shkak të sasisë së të dhënave të përdoruesve të mbledhura nga aplikacioni dhe mënyrës në të cilën trajtohen të dhënat”, tha Agjencia Kombëtare Kibernetike dhe e Sigurisë së Informacionit në Çeki (NUKIB).
ByteDance, kompania e afërt e TikTok, “qëndron nën juridiksionin ligjor të Republikës Popullore të Kinës”, vazhdoi NUKIB, duke shtuar se kjo është shqetësuese.
Një projektligj për të nxjerrë jashtë ligjit softuerin, të cilin punonjësit e Qeverisë amerikane nuk lejohen ta shkarkojnë në pajisjet e tyre, është paraqitur nga ligjvënësit amerikanë.
Qeveria çeke, edhe pse është pjesë e BE-së, nuk ka vendosur ndonjë ndalim deri më tani.
Kina u cilësua si një kërcënim i rëndësishëm për hapësirën kibernetike çeke nga Agjencia Kombëtare e Inteligjencës së vendit (BIS) në një raport të publikuar vitin e kaluar.
“Teknologjitë kineze që depërtojnë në rrjete interneti të rëndësishme të infrastrukturave shtetërore… mund të vlerësohen si një kërcënim i madh i sigurisë”, u tha në raport./REL/
Presidenti I Kroacisë, Zoran Milanoviç ka reaguar lidhur me deklaratat e homologut të tij serb,…
Policia është vënë në kërkim të Nexhdet Zymberajt, pronarit të lokalit “My Place” në Gjakovë,…
Kryeministri Albin Kurti e përmendi çështjen e integrimit të sistemit shëndetësor dhe arsimit në kornizën…
Gjakova është tronditur nga një vrasje që ka ndodhur sot në orët e herëshme të…
Zana Guxholli, e ftuar në studion e “Terminal” nga Aurora Sulçe, deklaroi se me nafta…
Një ngjarje e rëndë ka tronditur mëngjesin e sotëm Gjakovën, ku si pasojë e të…