Azerbajxhani po evakuon diplomatët e tij nga Irani, tha të premten ministri i Jashtëm Jeyhun Bayramov, një ditë pasi Baku njoftoi se katër dronë iranianë kishin kaluar kufirin dhe kishin plagosur katër persona në enklavën Nakçivan, raporton A2CNN.
Duke folur në një konferencë për shtyp në Baku, Bayramov tha se Azerbajxhani po evakuon punonjësit nga ambasada e tij në Teheran dhe nga konsullata e përgjithshme në Tabriz, qyteti më i madh në veriperëndim të Iranit, ku jetojnë shumë azerbajxhanas etnikë.
“Me urdhër të presidentit Ilham Aliyev, janë dhënë udhëzime për evakuimin e ambasadës sonë në Teheran dhe të konsullatës së përgjithshme në Tabriz nga Irani dhe këto udhëzime tashmë po zbatohen. Ne nuk mund të rrezikojmë jetën e njerëzve tanë,” tha ai.
Azerbajxhani reagoi me zemërim të enjten ndaj asaj që e quajti një hyrje të dronëve iranianë në enklavën e tij Nakçivan, ndërsa presidenti Aliyev kërcënoi me kundërpërgjigje. Irani tha se nuk i kishte lëshuar këta dronë.
Të dy vendet kanë pasur prej kohësh marrëdhënie të tensionuara, ndërsa lidhjet e ngushta të Azerbajxhanit me Izraelin kanë shkaktuar zemërimin e Iranit.
Azerbajxhani ndan me Iranin fenë myslimane shiite, por në diferencë nga Republika Islamike, qeveria e vendit kaukazian është laike.
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…
Shefja e Grupit Parlamentar të Vetëvendosjes, Arbërie Nagavci, e ka komentuar deklaratën e Vjosa Osmanit,…