Banderola në “Air Albania” që inatosi serbët

Në raundin e tretë të Ligës së Kombeve, në Tiranë u përballën kombëtaret e Shqipërisë dhe Izraelit, një ndeshje që u fitua nga hebrenjtë 2:1, por ku pati dhe një shfaqje të tipit “Ballist Morina”.

Media serbe shkruan se para fillimit të kësaj ndeshjeje, tifozët vendas vunë në dukje një banderolë për të cilën është shumë i mërzitur publiku në Mal të Zi, Maqedoninë Veriore, Greqi dhe veçanërisht në Serbi.

Përkatësisht, mbështetësit më të zjarrtë të Shqipërisë kanë zhvilluar një flamur të madh në të cilin personazhi vizatimor shikon hartën e të ashtuquajturës “Shqipëria e Madhe”.

Mbi hartë shkruhej “Shtetet e Bashkuara të Shqipërisë”, si dhe slogani “Besa, besë, besën ta kam dhanë”, që është një sllogan që lidhet me UÇK-në, që në përkthim të lirë do të thotë “I jap një premtim të fortë vendit tim”.

“Shqipëria e Madhe” është një koncept kombëtar që do të bashkonte të gjithë shqiptarët në një vend dhe, përveç Shqipërisë, përfshin pjesë të caktuara të vendeve të sipërpërmendura.

Është fare e sigurt që organet disiplinore të UEFA-s do ta sanksionojnë ashpër këtë ndërhyrje të politikës në sport – komentojnë kështu mediat e Beogradit.