Bekim Jashari thotë se komuna e Skenderajt ia gaboi emrin komandantit Adem Jashari

Komuna e Skenderajt i ka nisur përgatitjet për shënimit e 14-vjetorit të Pavarësisë së Kosovës.

Mirëpo, në një baner të vendosur në qytet është gabuar emri i komandantit legjendar, Adem Jashari.

Emri i tij është shkruar “Adam”.

Për këtë ka reaguar ish-kryetari i Skenderajt, Bekim Jashari, i cili është nipi i komandantit legjendar, Adem Jashari.

“E kuptoj që shtypjen e materialeve e bëjnë individë apo kompani të caktuara, mirëpo asnjëherë nuk duhet lejuar që të na ikin gabime të tilla, sidomos kur bëhet fjalë për ngjarje të tilla dhe figura historike si ajo e Komandantit Legjendar Adem Jashari. Gabimet e tilla, ndër të tjerash, shpërfaqin interesimin e pushtetit aktual për historinë dhe trajtimin ndaj atyre që dhanë gjithçka për ne dhe lirinë që sot po e gëzojmë”.