Beograd: Protestuesit nuk shpërndahen, i thonë policisë “shkoni në Kosovë”

Pjesëtarët e xhandarmërisë në një moment filluan të shpërndanin turmën me gaz lotsjellës, të cilët më parë kishin tentuar të hynin në Kuvendin e Beogradit. Nga dritarja e ndërtesës është hedhur gaz lotsjellës dhe mediat serbe kanë raportuar se në vetë objektin janë vendosur barrikada.

Qytetarët më parë ishin lëvizur drejt derës dhe thërrisnin “Hap, hape”. Xhamat në derën e përparme janë thyer, si dhe disa në xhamat.

Policia po mbron hyrjen e derës me mburoja nga brenda, si dhe xhamat e thyer.

Ndërtesa ishte plotësisht e mbyllur dhe kishte shumë pjesëtarë të xhandarmërisë me mjete të plota për të prishur demonstratat.

Në një moment, drejtuesit e opozitës tentuan të negociojnë me policinë, por nuk pati sukses.

Opozita paraprakisht kishte bërë të ditur se kishte ardhur koha për të kaluar nga fjalët në veprime dhe se po planifikonin të pushtonin godinën e njërit prej institucioneve.

“Nga sonte kjo ndërtesë do të jetë e lirë, ky është plani”, tha njëri nga liderët e opozitës, Aleksandar Jovanoviq Cuta.

Burimet e Mportal që ndodhen në vendngjarje bëjnë me dije se mbreme ishin “deri në 10 herë më shumë njerëz” se netet e tjera.

Të pranishmit i ka përshëndetur Marinika Tepiq, e cila prej ditësh është në grevë urie.

Ajo tha se pas zgjedhjeve të vitit 2012, Aleksandar Vuçiq deklaroi se “zgjedhjet janë anuluar për shkak të një vote”.

“Por këtë herë nuk i vodhët Vuçiqit jo një, por mijëra vota”. Këto zgjedhje janë anuluar”, ka theksuar Tepiq.

Disa nga folësit thanë se Vuçiq është “mashtrues që u kap duke vjedhur”.