Politikani socialist amerikan, Bernie Sanders, falënderoi ironikisht Donald Trump për humbjen e Partisë Konservatore në zgjedhjet kanadeze, duke thënë se presidenti amerikan ishte shkaku i humbjes së tyre.
“Faleminderit President Trump. Dy muaj më parë, miqtë tuaj në Partinë Konservatore ishin 25 pikë përpara dhe më pas u mundën. Brenda 100 ditësh, ju u keni treguar kanadezëve pse e djathta ekstreme nuk duhet të jetë në pushtet. Amerikanët do të bëjnë të njëjtën gjë në zgjedhjet e ardhshme”, shkroi Sanders.
Kujtojmë se Kanadaja zgjodhi Mark Carney si kryeministrin e saj të ri të hënën, më 21 prill, duke i dhënë Partisë Liberale një mandat tjetër në pushtet.
Sipas parashikimeve nga CBC News dhe CTV News, votuesit e mbështetën qartë mesazhin e tij të rezistencës ndaj politikave ekonomike dhe tarifave të administratës së Presidentit të SHBA-së, Donald Trump.
Carney arriti të siguronte një mandat të katërt radhazi për Liberalët — një sukses politik që rrallë shihet në historinë moderne kanadeze — ndërkohë që pengoi gjithashtu avancimin e Konservatorëve të opozitës të udhëhequr nga Pierre Poilievre.
Slogani i fushatës së tij, “Kanadaja e paprekshme nga Trump”, ishte një përgjigje e drejtpërdrejtë ndaj shqetësimeve të publikut pas deklaratës provokuese të Trump në lidhje me aneksimin e mundshëm të Kanadasë si shteti i 51-të i SHBA-së. Patriotizmi dhe siguria ekonomike u bënë temat kryesore që formësuan atmosferën politike.
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…
Shefja e Grupit Parlamentar të Vetëvendosjes, Arbërie Nagavci, e ka komentuar deklaratën e Vjosa Osmanit,…