Presidenti amerikan, Joe Biden, i ka treguar drejtpërdrejt homologut rus, Vladimir Putin, se si Shtetet e Bashkuara dhe aleatët evropianë do të përgjigjen, nëse Rusia e pushton edhe më tej Ukrainën, sipas këshilltarit për Siguri Kombëtare, Jake Sullivan.
Ambasada e Shteteve të Bashkuara në Ukrainë publikoi një deklaratë të këshilltarit për Siguri Kombëtare të Presidentit Biden, Jake Sullivan, i cili dha hollësi rreth bisedës mes dy presidentëve,.
“Presidenti Biden e përsëriti përkrahjen e ShBA-së për Ukrainën. Ai i tregoi drejtpërdrejt Putinit se si Shtetet e Bashkuara dhe aleatët tanë evropianë do të përgjigjeshin, nëse Rusia e pushton më tej Ukrainën. Ai i tha Presidentit Putin se është një opsion tjetër: de-eskalimi dhe diplomacia”, tha këshilltari Sullivan.
“Ne do t’u ofronim pajisje shtesë të mbrojtjes për ukrainasit përtej asaj që tashmë jemi duke e ofruar dhe do t’i fortifikonim aleatët tanë të NATO-s në krahun lindor me kapacitete shtesë si reagim ndaj një eskalimi të tillë”, shtoi zyrtari i lartë amerikan.
President Biden reiterated 🇺🇸’s support for 🇺🇦. He told President Putin directly how the United States and our European Allies would respond if Russia further invades Ukraine. He told President Putin that there’s another option: de-escalation & diplomacy. https://t.co/F5bqJfBDk2 pic.twitter.com/EXMABgKN3F
— U.S. Embassy Kyiv (@USEmbassyKyiv) December 8, 2021
