Mundi i gjithë vitit ka shkuar dëm për fermerët e fshatrave Podgorie dhe Pirg në Maliq. Mjaftuan 30 minuta breshër mesditën e së dielës për të lëshuar në tokë rrushin, kallinjtë e misrit dhe perimet në kopshte.
“Për 30 minuta ra dje breshër, ishte kokrra e breshrit sa një kumbull. E hodhi gjithë prodhimin në tokë, rrushin, mollët, të gjitha i ka dëmtuar. Ne s’kemi të ardhura të tjera, ndaj presim shtetin të na japë ndihmë”, thanë ata.
Burime nga Bashkia e Maliqit thanë se janë ngritur grupet e punës për te vlerësuar demet, por kompensimi mbetet i vështirë nëse Qeveria nuk shpall gjendjen e emergjencës.
Dëmet janë ende të pa llogaritura, por banorët thonë se më shumë se 80% e prodhimit në vreshta është dëmtuar në mënyrë të parikuperueshme. Të pamundur përballë kësaj fatkeqësie natyrore banorët kërkojnë kompensim nga shteti.
