Janusz Bugajski, bashkëpunëtor i lartë në Qendrën Uashington për Analizën e Politikave Evropiane (CEPA), vlerësoi se ka elementë në politikën serbe, brenda dhe jashtë qeverisë, të cilët po përpiqen të minojnë pavarësinë e Malit të Zi ose anëtarësimin e saj në Aleancën e Atlantikut të Veriut (NATO).
“Fatkeqësisht, ka akoma anëtarë të elitës serbe dhe kishës që besojnë se Mali i Zi i përket Serbisë. Kjo është pak a shumë si ajo që beson Rusia për Ukrainën. Mali i Zi ka kishën e vet të pavarur që nuk njihet si kishë ukrainase. Megjithatë, mund të jetë të ndodhë në të ardhmen e afërt. Nuk mund të përjashtohet”, tha Bugajski për Zërin e Amerikës.
Ai gjithashtu tha se për të ruajtur pavarësinë e tij, Mali i Zi duhet të ketë institucionet e veta, dhe se Serbia, nga ana tjetër, nuk mund të lejojë një konflikt me Podgoricën sepse “kjo do të minojë përparimin e saj drejt Bashkimit Evropian”.
Politika ruse
Për Bugajskin, Rusia “nuk ka hequr dorë nga përpjekja për të destabilizuar Malin e Zi” dhe se është pjesë e politikës së Rusisë “të përpiqet të destabilizojë NATO-n nga brenda”.
“Rusia ka pësuar një humbje të madhe në Ukrainë dhe nuk dëshiron një tjetër kur bëhet fjalë për Kishën Ortodokse Serbe, e cila është arsyeja pse e mbështet atë aq sa mundet. Mund të çojë dhe Serbinë e Malin e Zi në dhunë dhe pasojat nuk do të jenë mbi Rusia në por mbi vendasit”, tha Bugajski.
Ai tha se miratimi i ligjit për lirinë e fesë ishte një “proces i mirë” sepse tregoi se Mali i Zi respektonte sundimin e ligjit dhe shtoi se ishte e rëndësishme në çdo shtet post-komunist ish-jugosllav të dihet se kujt i përket prona.
“Unë mendoj se shteti duhet të ketë një regjistër të mirë të pronësisë së atyre pasurive (të komuniteteve fetare). Nuk ka pse të thuhet që ato pasuri do të konfiskohen, pasi thjesht duhet të dihet se kush janë pronarët.”
