Bayer Leverkuseni është ndalur në gjysmëfinale të Kupës së Gjermanisë. Kampionin në fuqi të Gjermanisë e eliminoi skuadra e kategorisë së tretë gjermane, Arminia Bielefeld.
Bielefeldi fitoi të martën mbrëma me rezultatin 2:1, duke shkaktuar sensacion. Leverkuseni është edhe fitues në fuqi i Kupës së Gjermanisë.
Xhaka wasn’t having it 💀 pic.twitter.com/oB1DogbspR
— G (@Gideoomatic) April 1, 2025
Granit Xhaka e kompletoi ndeshjen te Bayer Leverkuseni, por pa mundur të shmang humbjen e rëndë.
Jonathan Tah e kaloi në epërsi 1:0 Leverkusenin në minutën e 17-të.
Menjëherë në minutën e 20-të për 1:1 shënoi Marius Worl.
Golin e fitores për Arminian e realizoi Maximilian Groser në minutën e tretë shtesë të pjesës së parë.
Në gjysmëfinalen e dytë, të mërkurën mbrëma, takohen Stuttgarti e Leipzigu.
Tifozët e Leverkusenit që kishin udhëtuar me ekipin ishin të irrituar pas ndeshjes. Gjatë intervistës në ARD mes moderatores Esther Sedlaczek dhe drejtorit sportiv Simon Rolfes, transmetuesi papritmas shfaqi pamje të një diskutimi të nxehtë mes Granit Xhakës dhe një tifozi.
