Sondazhet e para në lidhje me zgjedhjet presidenciale në Turqi tregojnë se kreu i CHP-së, Kemal Kılıçdaroglu, i cili u nominua si kandidat i Aleancës Kombëtare, është përpara presidentit aktual turk, Recep Tayyip Erdoğan, kandidatit të Aleancës Popullore.
Megjithatë, pritet që shkaku i kandidatit Muharrem İnce, i cili me shumë gjasa do të merr disa vota të konsiderueshme, fituesi të përcaktohet pas raundit të dytë.
Kompanitë e anketimit Eurasia, MAK, Turkey, AR-G, Aksoy, PIAR, ORC, Saros dhe Yoneylem që kanë kryer hulumtime në muajin mars dhe rezultatet e anketës së prillit të MetroPoll tashmë janë bërë publike, raporton t24.
Sipas hulumtimit të fundit të MAK Consulting, Kılıçdaroglu ka 47 për qind; Nga ana tjetër, Erdogan merr 42 për qind të votave. Votat e “të tjerëve”, duke përfshirë Muharrem İnce janë 3 për qind ndërsa përqindja e votuesve të pavendosur është 8.
Sipas hulumtimit të “Turkiye Raporu”, i cili publikoi rezultatet e anketës në mes të marsit, ka një diferencë prej 9 pikësh mes Kılıçdaroglu dhe Erdoganin. Kur votat e të pavendosurit u shpërndanë, Kılıçdaroglu arrin shifrën prej 54.5 për qind ndërsa Erdogan arrin 45.5 për qind.
Sipas sondazhit të fundit të publikuar nga AR-G Research më 14 mars, fituesi do të përzgjidhet në raundin e dytë. Kılıçdaroglu ka 46.2 për qind; Nga ana tjetër, Erdogan merr 43.1 për qind të votave. Sipas anketës së AR-G, Muharrem İnce ka besimin e 7.6 për qind të votuesve; Sinan Ogan merr 3.1 për qind të votave.
Sipas sondazhit të bërë nga Aksoy më 8 mars, Kılıçdaroglu, kandidati i Aleancës Kombe, ka 55.6 për qind të votave. Vota e Erdoganit, kandidatit të Aleancës Popullore, ishte 44.4 për qind.
Sipas rezultateve të shpallura nga PIAR më 10 mars, kandidati i Aleancës Kombëtare, Kiliçdaroglu do të merr 57,1 për qind të votave, ndërsa kandidati i Aleancës Popullore, Erdogan ka 42,9 për qind.
Ndryshe, raundi i parë i zgjedhjeve presidenciale në shtetin turk do të mbahet më 14 maj.
Presidenti I Kroacisë, Zoran Milanoviç ka reaguar lidhur me deklaratat e homologut të tij serb,…
Policia është vënë në kërkim të Nexhdet Zymberajt, pronarit të lokalit “My Place” në Gjakovë,…
Kryeministri Albin Kurti e përmendi çështjen e integrimit të sistemit shëndetësor dhe arsimit në kornizën…
Gjakova është tronditur nga një vrasje që ka ndodhur sot në orët e herëshme të…
Zana Guxholli, e ftuar në studion e “Terminal” nga Aurora Sulçe, deklaroi se me nafta…
Një ngjarje e rëndë ka tronditur mëngjesin e sotëm Gjakovën, ku si pasojë e të…