Banka Credit Suisse është shpallur fajtore dhe gjobitur për përfshirje në pastrim të parave në lidhje me një rrjet të drogës nga Bullgaria, raporton BBC.
Gjykata Penale Zvicerane ka konstatuar se banka nuk ka bërë mjaftueshëm për të parandaluar anëtarët e bandës kriminale nga përftimi nga shitja e kokainës në Evropës.
Banka është gjobitur me rreth 2 milionë euro dhe është urdhëruar që t’ia paguajë Qeverisë së Zvicrës afro 17.5 milionë euro.
Banka ka mohuar akuzat dhe ka thënë se do të apelojë ndaj vendimit.
Ish-tenistja bullgare, Elena Pampoulova-Bergoni, që kishte punuar në bankë për një periudhë, u shpall fajtore për pastrim të parave nga gjykata zvicerane dhe u dënua me 20 muaj burgim me kusht.
Gjykata ka dëgjuar dëshmi për rolin e bankës në pranimin e miliona euro në depozita bankare mes viteve 2004 dhe 2008, të cilat ishin të dyshimta.
Prokurorët kanë thënë se Pampoulova-Bergomi, kishte krijuar lidhje me ish-mundësin bullgari Evelin Banev, që ishte figurë e madhe në një rrjet të trafikimit të kokainës në Evropë.
Në gjykatë është thënë se ish-tenistja rregullisht kishte marrë çanta plotë me para kesh, madje në vlerë deri 500 mijë euro nga persona të njohur me mundësinë Banev.
Credis Suisse është banka e dytë më e madhe në Zvicër. Është hera e parë që një bankë në Zvicër është ndjekur penalisht.
