Presidenti i Shteteve të Bashkuara, Joe Biden, ka nominuar për ambasador të ri në Kosovë diplomatin e karrierës në Departamentin e Shtetit, Jeffrey M. Hovenier.
Lajmin e ka konfirmuar ambasadori i SHBA në Kosovë Philip Kosnett, përmes një postimi në Twitter, ku ka përgëzuar Hovenier për postin e tij të ri.
“Urime kolegut dhe mikut tim Jeff Hovenier për emërimin e tij si Ambasadori tjetër i SHBA në Kosovë”, ka shkruar Kosnett.
Nëse konfirmohet nga Senati amerikan, Hovenier do të zëvendësojë ambasadorin aktual Kosnett, i cili u emërua nga ish-Presidenti Donald Trump në korrik të vitit 2018.
Hovenier do të jetë ambasadori i gjashtë amerikan në Republikën e Kosovës.
Nominimin e Hovenier, e ka komentuar eksperti i njohur amerikan për Ballkanin në Universitetin Johns Hopkins, Daniel Serwer. Në një prononcim për gazetën “Bota sot”, Serwer ka thënë se Hovenier është i përshtatshëm si ambasador dhe se ka reputacion të mirë profesional.
“Më duket një emërim krejtësisht i përshtatshëm i dikujt me prejardhje përkatëse dhe me reputacion të mirë profesional”, ka thënë ai.
Jeffrey M. Hovenier aktualisht shërben si zëvendës ambasador i Shteteve të Bashkuara në Ankara të Turqisë.
Ai ka shërbyer në stafin e të Dërguarit Special të OKB për statusin e Kosovës. Hovenier në vitin 2018, ishte nderuar me Medaljen Presidenciale Jubilare për 10 vjetorin e pavarësisë së Kosovës, “për kontributin e tij për lirinë dhe pavarësinë e Kosovës”, nga ish-presidenti Hashim Thaçi.
Në atë kohë, Hovenier kishte deklaruar se do të jetë “gjithmonë një mik i Kosovës”.
Mal Berisha, ish-ambasador e diplomat, ka treguar një rrëfim interesant nga takimet e tij në…
Fushata zgjedhore në qytetin e Cyrihut po tregon anën e saj të shëmtuar pak para…
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…