Dështoi të bëhet deputet, kandidati i partisë FJALA i rikthehet zanatit të vjetër të çobanit

Imami Bedri Bytyqi, i cili kishte kandiduar për deputet nga partia FJALA, i është rekthyer zanatit të vjetër të çobanit.

Imami Bedri Bytyqi, në vitin 2018 kishte shkakëtuar reagime të mëdha rreth një statusi të tij me rastin e vdekjes së babait të ish kryeministrit Ramush Haradinaj, ku iu kishte bërë thirrje hoxhallarëve që të mos marrin pjesë në varrimin e Hilmi Haradinajt.

Në profilin e tij Imami Bytyqi, me sotalgji të madhe shkroi një poezi për kohën kur ishte çoban.

Kjo është poezia:

Ditëve të çobanisë,
përsëri unë sot u ktheva!
Nuk takoj asnjë çoban,
sa keq u ndieva!

Këto male e këto brigje,
me bagëti unë i kalova.
Ishin vitet më të mira,
që në jetë i përjetova!

Sa me mallë mu rikthyen kujtimet,
çdo minut paska qenë me vlerë!
Sidomos mbrëmjeve të zakonshme,
kur babai më priste në derë!

Mëngjesi në shkollë, pasditja në mal!
Ishte rutina ime ditore.
Në shpinë e mbaja janxhikun e bukës,
e librin se lëshoja prej dore.

Shkolla m’i mësoj rrugët,
mali ma mësoj ecjen.
Gjithçka në jetë kalon e zhduket,
veç kujtimet gjallë mbeten!

U kujtofsha për herë për të mirë,
se e keqja s’më bën nder!
Për çdo hap që kemi bërë
Ka shënime në defter!