Miliarderi Elon Musk shkroi në platformën e tij të mediave sociale X të enjten në mbrëmje se Presidenti i SHBA-së Donald Trump shfaqet në dokumente që lidhen me abuzuesin seksual Jeffrey Epstein dhe se kjo është arsyeja pse ato nuk po bëhen publike. “Koha për të hedhur bombën e madhe”, shkroi Musk si parathënie të postimit në X.
Më herët gjatë ditës së sotme, Trump postoi disa postime në Twitter, në të cilat e përshkroi Musk-un si “të çmendur”. Ai tha se e dinte prej muajsh se presidenti kishte ndërmend të eliminonte subvencionet për automjetet elektrike. Trump argumentoi se mënyra më e lehtë për të kursyer shumë para nga buxheti do të ishte eliminimi i kontratave dhe subvencioneve qeveritare që Musk gëzon, duke shtuar se ishte i befasuar që ish-Presidenti Joe Biden nuk e bëri këtë.
Musk u përgjigj me një postim në Twitter, duke shkruar: “Një gënjeshtër kaq e qartë. Shumë e trishtueshme.” Mes tensioneve midis të dyve, aksionet e Teslës, të cilën e zotëron Musk, ranë me gati dhjetë përqind sot, duke humbur gati 100 miliardë dollarë në vlerë.
Javën e kaluar, Musk njoftoi përfundimin e punës së tij në administratën Trump , pasi u emërua në fillim të mandatit të dytë të Trump për të drejtuar DOGE – Zyrën e Efikasitetit të Qeverisë, e cila ishte përgjegjëse për shumë përpjekje për shkurtime në qeverinë amerikane.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…