“Donte të më braktiste” Detaje rrëqethëse nga vrasja në Greqi, shqiptari e mbyti gruan ndërsa fëmijët ishin në gjumë

Mediet greke kanë publikuar detaje të reja rreth vrasjes tragjike të gruas shqiptare, e cila u  mbyt për vdekje nga bashkëshorti i saj në zonën jugore të Greqisë, Lakonia. Ngjarja tragjike ka ndodhur mbrëmjen e së dielës, 5 dhjetor.

Sipas dëshmive të fqinjëve, mësohet se çifti kishte konfliktuar me zë të lartë mbrëmjen e djeshme dhe se 40-vjeçari e mbyti bashkëshorten, ndërsa 2 fëmijët e tyre 8 dhe 10 vjeç,  flinin gjumë në dhomën ngjitur, ku u vra e ëma.

Gjatë zënkës situata agravoi, e si pasojë 40-vjeçari mbyti gruan 36-vjeçare, e më pas u largua nga shtëpia.

Megjithatë, pak më vonë ai telefonoi policinë, duke thënë: “Më duket se kam mbytur gruan time”.

Në momentin që Policia mbërriti në vendngjarje, gjeti  trupin e gruas së vdekur dhe bashkëshortin vrasës duke qendruar pranë kufomës. Në rrëfimin e tij të parë për Policinë, 40-vjeçari ka thënë se po zihej me gruan, pasi kjo e fundit donte të ndahej nga ai.