Ushtria ukrainase ka kryer një operacion unik së fundmi, duke arritur që me sukses të plotë t’i çlirojnë tre ushtarë të zënë robër.
Ushtarët u kapën nga trupat ruse, ka njoftuar ministria ukrainase e Mbrojtjes, derisa operacioni u krye nga ekipi i dronëve, i ndihmuar edhe nga Brigada e Parë e Tankeve të Siverit.
Autoritetet ukrainase njoftuan se me veprime të koordinuara dhe gjuajtje precize “armiku iku dhe i la pengjet”.
“Veprimet e koordinuara dhe hedhjet precize të dronëve ukrainas bënë që armiku të ikte dhe të linte pas pengjet. Më pas, me ndihmën e dronëve, ushtarëve tanë iu mundësua evakuimi në vende të sigurta”, thuhet në njoftimin e publikuar në Facebook.
