Komiteti i Ministrave i Këshillit të Europës ka votuar me mbi 2/3 e votave të shteteve anëtare pro procedimit të aplikimit të Kosovës në Asamblenë Parlamentare e Këshillit të Europës.
Nga 46 shtetet anëtare, 33 votuan pro, 7 kundër, 5 abstenuan ndërsa një nuk mori pjesë fare në votim.
Ajo që bie në sy nga shtetet që votuan kundër Kosovës, përveç kundërshtimit të Hungarisë që është shtet që veçse e njeh Kosovën, është fakti që tri shtete të rajonit të Kaukazit nuk votuan pro. Dy prej tyre, Gjeorgjia dhe Azerbajxhani votuan kundër, ndërsa Armenia nuk mori pjesë fare në votim.
Njëherit, këto tri shtete ish-pjesë të Bashkimit Sovjetik ende nuk e njohin pavarësinë e Kosovës.
Afrimi i vetëm i Kosovës me këtë rajon ka qenë takimi mes delegacioneve kosovare dhe armene në margjina të Konferencës së Munihut, ku ekipit kosovar i priu ministrja e jashtme Donika Gërvalla.
Në anën tjetër, presidenti shqiptar Bajram Begaj i kërkoi njohjen e Kosovës presidentit të Azerbajxhanit, Ilham Aliyev, në vizitën e parë të një presidenti azer në Shqipëri para pesë muajve.
Zëdhënësi i Gardës Revolucionare (IRGC), Ali Mohammad Naini, hodhi poshtë pretendimet e SHBA-ve se aftësitë…
Udhëheqësi i ri suprem i Iranit, Mojtaba Khamenei, thuhet se është dërguar fshehurazi në Moskë…
Lideri i ri suprem i Iranit, Mojtaba Khamenei, 56 vjeç, i cili mori detyrën pas…
Kryeministri izraelit, Benjamin Netanyahu ka shpërndarë në “X” një video te tij teksa blen kafe…
Ish-presidenti i Maqedonisë së Veriut, Stevo Pendarovski, ka folur për statusin e gjuhës shqipe dhe…
Një shefe e operacioneve të skuadrës, e cila kohët e fundit kishte fituar krahët si…