Dy të arratisurit nga Policia e Kosovës shfaqen LIVE në TikTok, kujtojnë momentin kur “Shani Tmerri” e kishte rrahur mbikëqyrësin

Dy të arratisurit nga Policia e Kosovës janë bërë bashkë në rrjetin social “Tik-Tok”. Faton Hajrizi e Shani Tafolli i njohur me nofkën “Tmerri”.

Faton Hajrizi është arratisur para një jave nga burgu i Smrekonicës ndërkohë Policia është në kërkim të Shani Tmerrit nga gushti i vitit të kaluar.

Shani Tmerri përmes një live në TIK-Tok e ka uruar për arratisjen Faton Hajrizin duke i uruar të mos kthehet kurrë në burg.

“Urime që je arratis, ishalla ma kurrë nuk shkon atje”, i tha Shania, Fatonit.

Ndërkohë, Hajrizi i ka përmendur një rast se si “Tmerri” e kishte rrahur një roje brenda burgut, e në anën tjetër përmend se si pastaj ai u rrahë nga tre policë.

“A e mban mend kur e rreh mbikëqyrësin…“E ta përmbledhe, bam-bllap”, i thotë Fatonit, Shanisë.

“Po vallain e di veç a e man mend kur më kanë marrë me shleme, më kanë qu zhag – tre ditë tani teposhtë, se unë e majë mend kur e kam rreh mbikëqyësin se unë sun e durojë kërkon – tani tri ditë, tri netë më kanë rreh në bodrum atje poshtë, u kanë ka më del shpirti“, i tha Shania, Fatonit.

Orë më parë, Faton Hajrizi ka publikuar sërish një video në TikTok, por kësaj radhe është tallur me Qeverinë Kurti, duke i quajtur “Lepurushat e Vetëvendosjes”.

Hajrizi i ka reaguar Ministrit Sveçla duke i thënë se “nuk jeni ju që e kapni askënd, hiç”, dhe se sipas tij, të vetmit që mund ta kapnin atë, janë ish-krerët e UÇK-së që po mbahen në Hagë.