Dy trupa të pajetë janë gjetur në shtëpinë e tyre në rrugën “Jusuf Gërvalla” në Prizren, kanë bërë të ditur zyrtarët e Policisë rajonale të Prizrenit.
Zëdhënësi Shaban Osmanollaj ka pohuar se mjeku kujdestar ka konstatuar vdekjen e tyre.
“Në rrugën ‘Jusuf Gërvalla’ në lagjen ‘Ortakoll’ të Prizrenit në apartamentin e tyre janë gjetur dy trupa të pajetë. Mjeku kujdestar ka konstatuar vdekjen e tyre. Policia ka dalë në vendin e ngjarjes dhe me Prokurorinë po zhvillohen hetimet për këtë rast”, ka thënë Osmanollaj
