Dua Lipa nuk ndalet nga postimi i fotove dhe videove nga jugu i Shqipërisë, aty ku prej ditësh është duke kaluar pushimet së bashku me familjen e saj.
Veç detit të mrekullueshëm, Dua i ka ndërthurur pushimet e saj edhe me udhëtime në zonat arkeologjike. Ajo ka postuar foto edhe nga qyteti antik i Butrintit, por edhe nga fshatrat e jugut të vendit.
Bashkëngjitur fotove, këngëtarja me famë botërore shkruan: “E bukura Shqipëri”.
Ylli i popit erdhi në Shqipëri, për të parë nga afër procesin e ndërtimit të një kopshti për fëmijë. Kopshti po ndërtohet nga Sunny Hill Foundation, një fondacion i krijuar nga Dua i cili përqendrohet te kontributet në Kosovë dhe Shqipëri në aspekte të ndryshme, veçanërisht në art dhe kulturë.
