Në fillim të pushtimit, Putini dërgoi në Ukrainë njësinë speciale të mercenareve, të quajtur “Wanger”. Ata u dërguan atje për një mision të posaçëm: Të ekzekutojnë Presidentin ukrainas, Volodymyr Zelensky.
Sipas raporteve të fundit, nga kjo njësi janë shkaktuar mjaft humbje.
Qindra vdekjet mes grupit famëkeq të “Wagner Group” u zbuluan në një telefonatë të përgjuar në shtëpi të bërë nga një ushtar rus.
Në regjistrim, burri dëgjohet duke telefonuar gruan e tij dhe duke u ankuar se “njësia elitare” ishte shkatërruar dhe trupat e tyre ende nuk dihen ku janë.
“Kemi pasur shumë humbje. Qindra mercenarë kanë vdekur, është situatë kaotike”, mësohet të ketë thënë ushtari.
Kujtojmë se njësia “Wanger” është themeluar në vitin 2014 nga Dmitry Valeryevich Utkin, një veteran i forcave speciale të luftës së parë dhe të dytë çeçene, shkruan Mirror.
Wagner Group është një kompani ushtarake private e përdorur shpesh nga Kremlini për të kryer operacione kriminale.
Lidhjet e tij me GRU-në e Moskës – Drejtorinë kryesore të Inteligjencës së Kremlinit – dhe forcat speciale Spetsnaz – nënkuptonin se grupi është ndoshta një zgjatim i të dyjave.
Besohet se titulli “Wagner” vjen nga magjepsja e tij me kompozitorin gjerman dhe entuziazmi për lëvizjen naziste gjermane.
Grupi Wagner ka qenë i lidhur me luftërat civile në Siri, Libi, Republikën e Afrikës Qendrore dhe Mali dhe lufton përkrah kujtdo besnik të Rusisë .
Dhe operativët e saj, shumë prej tyre ish-forca speciale, kanë qenë të lidhur me një sërë krimesh lufte duke përfshirë torturën, përdhunimin, grabitje dhe vrasje.
Ata gjithashtu besohej se ishin vendosur për të tentuar të vrisnin politikanë dhe udhëheqës ushtarakë ukrainas dhe disa mijëra u vendosën në Ukrainë.
