Një i ri shqiptar ka humbur jetë tragjikisht në Essex të Britanisë. Mediat vendase raportojnë se viktima është 29-vjeçari Sali Byberi.
Sali Byberi i cili menaxhonte nje lavazh në Essex, dyshohet se sulmoi një oficer dhe ky i fundit qëlloi disa herë me pistoletë elektrike ndaj shqiptarit duke e lënë të vdekur
Viktima ishte baba i tre fëmijëve, ndërsa familja e tij është në kërkim të drejtësisë. Përmes avokatëve të tyre ata kanë treguar traumën që kanë pësuar që prej vdekjes së djalit të tyre.
“Ende nuk mund ta besojmë se çfarë ndodhi dhe si na e morën Saliun. Është pothuajse e pamundur të gjesh fjalët për të përshkruar dhimbjen që ndjejmë. Kemi kaq shumë pyetje dhe gjithçka që shpresojmë tani është të paktën që të marrim përgjigje”, është shprehur motra e viktimës nga mediat britanike.
Partnerja e Byberit, L.Mafra, 31 vjeç, tashmë ka mbetur e vetme në rritjen e fëmijëve të tyre, Akil tetë vjeç, Egilson gjashtë dhe Fabio, pesë vjeç.
