Ministres së Drejtësisë, Albulena Haxhiu iu përmend mos zbardhja e rastit të vdekjes në burg të aktivistit të Lëvizjes Vetëvendosje, Astrit Dehari më 5 nëntor 2016.
Kur e mori fjalën për të folur për punët që tha se janë bërë në dikasterin të cilin ajo e udhëheq, Haxhiu zgjodhi të drejtonte akuza të ashpra ndaj opozitës.
“Fillimisht ju jeni angazhu për me e vra një aktivist politik në burg”, tha Haxhiu.
“Dëshmoje”, “Marre”, u dëgjuan thirrjet nga disa deputetë që reaguan nga ulëset e tyre, ndërsa ministrja vazhdoi nga foltorja: “E pastaj jeni përpjekë që Vetëvendosjen me e shpallë organizatë terroriste…”.
“Ky është qëllimi që e keni pasë. Me e vra një aktivist politik në burg, që u mor në burg pa asnjë provë, dhe pastaj me e shpallë Vetëvendosjen si organizatë terroriste”, tha ajo.
Në akuzat e tjera të saj, ajo e përmendi specifikisht shefin e grupit parlamentar të Partisë Demokratike të Kosovës, Abelard Tahiri, i cili nuk hezitoi t’i reagonte.
“Ministre, për besë më bëre me u ndje goxha mirë. 10 minuta prej fjalimeve tua të fundit në këtë Kuvend, për me folë për 4 vjet të arritura, m’i kushtove mua”, tha ai.
Në kundërreplikë, Haxhiu tha se s’mjafton koha për t’i përmendur të gjitha punët e mira që tha se janë bërë nga Ministria e Drejtësisë.
“Të ftoj me i lexu të gjitha punët e mira që Ministria i ka bërë”, tha ajo, ndërsa mbante në dorë disa dokumente.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…