Presidenti amerikan, Joe Biden dhe presidenti ukrainas, Volodymyr Zelensky, po planifikojnë të takohen në Shtëpinë e Bardhë të mërkurën.
Siç raporton CNN-i, takimi mes dy liderëve do të përkojë me qëllimin e administratës amerikane për t’i dërguar Ukrainës një paketë të re ndihme për mbrojtjen, që do të përfshijë sistemet raketore Patriot.
Vizita po mbahet ende e fshehtë për shkak të shqetësimeve të sigurisë, pasi do të shënonte udhëtimin e parë të Zelenskys jashtë Ukrainës që nga fillimi i luftës ruse në shkurt të këtij viti.
