BOTA

“E pathyeshmja” e Ukrainës, nëna e tre fëmijëve me armë në duar në frontin e luftës

Artileria ukrainase godet trupat ruse. Një nga ato që shënjestron dhe drejton zjarrin nga forcat e Vladimir Putin është jo vetëm një ushtare karriere, por edhe nënë e tre fëmijëve. Emri i koduar: Nezlamna, në shqip “e pathyeshmja”.

“Kam parë aq shumë deri tani sa nuk surprizohem më lehtë. Por, sigurisht, ekziston një rrezik konstant”, thotë ajo. Nezlamna ka dy vajza dhe një djalë 5-vjeçar… nuk i ka parë ata që nga prilli i kaluar.

Gazetari i CNN pyet a është vështirë pa fëmijët pranë? “Sigurisht që është e vështirë dhe vuajnë që unë nuk jam me ta kur u nevojitem si prind. Por e kuptojnë që unë duhet ta bëjë këtë për vendin tonë”, përgjigjet Nezlamna.

Kjo detyrë është shpesh e tmerrshme për këta që gjenden këtu në frontin e luftës në jug. Brigada 47 na dha këtë video ku trupat bien pre e zjarrit nga rusët.
Beteja nuk ndal as gjatë mbledhjes së bashkëluftëtarëve të rënë. Makinat amerikane Bradley të luftës mbartin shenjta e përplasjes së ashpër.

Frederik Pleitgen, korrespondent i CNN: Ky automjet është vërtetë emblematik që tregon se sa e vështirë është beteja këtu në jug. Mund të shikoni se ka shumë dëme nga lufta. Ukrainasit thonë se kjo është pasojë e sulmeve me raketa 152 milimetra të artilerisë ruse. Thonë se kjo nuk është diçka e veçantë, pasi shumica e makinave kanë këto shenja”.

Trupat thonë se po përparojnë, por shpesh hasin në fushat e minuara nga ushtria ruse dhe goditjet e artilerive. Ky ushtar kujton misionin më të vështirë.

“Situata më e frikshme ishte ecja pas një automjeti çminues kur po hapte një rrugë për ne. Ne ishim nën zjarr të vazhdueshëm. Raketat binin pak metra nga ne”, tha ‘Revo’, ushtar i Ukrainës.

Forcat ukrainase kanë mungesa në armatime, ndërsa presidenti Volodymyr Zelensky po kërkon nga presidenti amerikan Biden për më shumë armë. Nezlamna thotë se do të vazhdojë luftën, për të ardhmen e fëmijëve të saj.

“Dëshiroj që ata të jetojnë në një shtet që lulëzon. E kam thënë shpesh se puna jonë është e vogël, ne duhet vetëm që të rivendosim kufijtë tanë, por ata duhet të rindërtojnë të gjithë vendin dhe ajo është punë shumë e vështirë”.


FM IMAGES

FM IMAGES ALBANIA - Copyright © 2025 e-mail: info@fmimages.net. All Rights Reserved.

Recent Posts

  • KRYESORE

Hovenier: Nëse Kosova s’i përgjigjet ofertës së Trumpit për gazin, SHBA-ja mund të humbasë interesin për të

Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…

4 orë ago
  • POLITIKE

Rama: Protestat për Zvërnecin janë “luftë hibride”, po përdoren nga armiqtë e Shqipërisë dhe Izraelit!

Kryeministri Edi Rama ka deklaruar në një intervistë për Euronews se protestat kundër projektit të…

4 orë ago
  • FOTO&VIDEO

Gjashtë të kërkuar ndërkombëtarisht ekstradohen nga Dubai drejt Shqipërisë

Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…

5 orë ago
  • FOTO&VIDEO

Policia e Kosovë e arrestoi kryetarin serb të Mitrovicës së Veriut, Milan Radojeviç, i cili e dëmtoi me sprej obeliskun “Mitrovica”

Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…

14 orë ago
  • FOTO&VIDEO

Shfaqet në Gjirin e Orikumit një nga gjitarët më të rallë në botë

Një pamje gjithnjë e më e zakonshme në ujërat e Gjirit të Orikumit është shfaqja…

18 orë ago
  • BOTA

Vrasja e 18-vjeçarit Henry Nowak, Starmer akuza të forta për Elon Musk pas protestave: Ka nxitur përçarje

Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…

1 ditë ago