Deputeti i Lëvizjes Vetëvendosje Dimal Basha, i është kundërpërgjigjur liderit të Aleancës për Ardhmërinë e Kosovës Ramush Haradinaj, i cili e ka quajtur “hajn” ministrin e Financave Hekuran Muratin.
Basha ka thënë se ministrin Murati nuk e ka akuzuar askush për haraç dhe se ai nuk ka shtëpi milionëshe “që ia kanë paguar jaranat”.
Sipas deputetit, ministri nga VV-ja, ka qenë nismëtar për heqjen e homologimit që, siç ka thënë ai “ua ka prish pazarin disave e më së shumti po i djeg Haradinajt”.
“Katuni o n’duar t’sigurta Ramush, veç bishti yt u kall”, ka shkruar Dimal Basha, në një postim në Facebook.
Reagimi i tij i plotë:
Veç në pauzë të lojërave e dëgjova pak Ramushin, edhe çka me dëgju, erdh dita kur soji i tij i thotë Hekuran Muratit i padijshëm dhe hajn.
Për dije, Hekurani ka kry shkollimin para se me u ba Ministër, në krahasim me Ramushin që një herë ka hy në politikë, e tek pastaj i ka ra n’mend me kry shkollë. Për dijen e Ramushit s’po foli, se e dinë krejt për intelektualin që është.
Sa për hajn, po besoj edhe zogjtë e malit e dinë se a prek pare publike Hekuran Murati. Nuk e ka akuzu kurrë kërkush për haraç. As nuk ka shpia milionëshe që ia kanë pagu “jaranat.” As nuk e ka partinë me “tapi.” Hekurani nuk ka ba ligj për homologim ku janë vjedh miliona prej qytetarëve me vite të tana, e as nuk është akuzu asnjëherë që ka vjedh miliona n’asfalt.
Përkundrazi, ka qenë nismëtar për heqjen e homologimit që ua ka prish shumë e pazarin disave, dhe sigurisht se po i ndal plot dyshime të hajnive në asfalt, e që po doket po i djegin Ramushit ma s’shumti.
Mirë që populli ta ka kall bishtin, e tash del bërtet u kall katuni. Katuni o n’duar t’sigurta Ramush, veç bishti yt u kall, relax!
