“Nuk di të ketë pasur ndonjë marrëveshje [parazgjedhore] që Ivica Daçiç të jetë kryeministër i Serbisë”, ka thënë nënkryetari i Partisë Përparimtare Serbe (SNS), Millosh Vuçeviç.
Sipas tij, Daçiç në fushatë ka synuar të eksploatojë ndjenjat pro-ruse të elektoratit serb, për çka tha se kjo gjë nuk i ka pëlqyer.
“Mbase ata ia kanë dalur t’i bindin votuesit e tyre që Daçiç do të jetë kryeministrit, por neve sigurisht se jo”, tha zyrtari i lartë i partisë së Aleksandër Vuçiç për mediumin serb “Novosti”.
Ai tha se “pajtohem absolutisht” me anëtarë të tjetër të SNS-së që “nuk e duruan” Daçiçin i cili në fushatën e tij “synoi të ndez sentimentet pro-ruse dhe në këtë mënyrë përfitojë”.
“Është e vërtetë që as s’e kam fshehur këtë në publik. Nuk më ka pëlqyer fushata që ka bërë Partia Socialiste Serbe”, vazhdoi ai.
