Ambasadorët perëndimorë në Turqi janë “tërhequr” dhe do të jenë “më të kujdesshëm në të ardhmen”, deklaroi sot presidenti turk Rexhep Taip Erdogan, pas çka kumtoi se do të heqë dorë nga dëbimi i 10 diplomatëve, të cilëve u është kërcënuar për shkak të përkrahjes së tyre për filantropin e mbyllur, Osman Kavalla.
“Qëllimi ynë nuk ishte të shkaktojmë krizë, por t’i mbrojmë të drejtat sovrane të Turqisë”, tha Erdogan.
Dhjetë ambasadorë nga SHBA-ja, Kanada, Franca, Finlanda, Danimarka, Gjermania, Hollanda, Zelanda e Re, Norvegjia dhe Suedia në deklaratë të përbashkët më 18 tetor kanë bërë thirrje për “zgjidhje të shpejtë dhe të drejtë” të rastit Osman Kavalla, i cili është në burg nga viti 2017.
Erdogan këtë e interpretoi si “sulm” dhe “ofendim” për jurisprudencën turke, njofton Beta.
“Detyra ime, si shef i shtetit, ishte ta jap përgjigjen e duhur”, tha presidenti turk, duke shtuar se gjykatat turke nuk marrin urdhëra nga askush.
Erdogani të shtunen njoftoi se ka dhënë urdhër për dëbim sa më të shpejtë të atyre dhe diplomatëve, edhe pse ky publikim nuk ishte i shoqëruar me njoftim zyrtar të dërguar deri te shtetet e cekura.
