Flokët i ka prerë edhe eurodeputetja suedeze, Abir Al Sahlani, në shenjë solidariteti me protestat antiqeveritare në Iran. Eurodeputetja me origjinë nga Irani, preu flokët në foltoren e Parlamentit Europian, ku dha edhe një mesazh të fortë.
“Për sa kohë që Irani nuk është i lirë, zemërimi ynë do të jetë më i fortë se zemërimi i atyre që kryejnë represion. Për sa kohë gratë iraniane nuk janë të lira, ne do të jemi me ju”.
Protestat dhe trazirat në Iran që po shkakojnë edhe viktima, erdhën pas vrasjes së 22-vjeçares Mahsa Amini, e cila humbi jetën në paraburgim pas arrestimit nga policia në Teheran më 13 shtator për “veshje të papërshtatshme”.
