Të dhënat e publikuara së fundmi nga Eurostat për prodhimin dhe shitjen e bukës së freskët në Europë, bëjnë të ditur se përgjatë viteve 2021 dhe 2022 vlera e saj është rritur ndjeshëm me 13% dhe me 6%.
Në 2022, Italia rezultoi vendi me çmimin më të lartë, mbi 3,3 euro/kg.
Ndërkohë në Shqipëri, Hungari dhe Serbi, çmimet për një njësi të shitur ishte rreth 81 cent/kg.
Ekspertët flasin për një sërë komponentësh që përcaktojnë çmimin aktual për njësi buke të freskët në Shqipëri.
Sipas tyre, kryesoret janë çmimi i miellit, fuqia punëtore dhe teknologjia e prodhimit.
Por pyetjes nëse kemi sot një prodhim të garantuar në furrat e bukës, ekspertët thonë se ato janë brenda standardit të lejuar ISO.
Për sa i përket manipulimeve me gramaturën e bukës së freskët, ekspertët thonë se duhen kontrolle më të rrepta për të garantuar peshën e produktit final.
Gazetar: Omer Saraçi
